Galit ako!

Naramdaman mo na ba yung makati yung ilalim ng iyong balat? Yun tipong kahit anung kamot ang gawin mo ay hindi naman talaga nababawasan yung kati? Nakakainis yun, di ga? Halos ganyan na ganyan ang pakiramdam ko kapag nakapapanood o nakakarinig ako ng mga balita tungkol sa mga (bad words) pulitikong iyan! Ang (bad word) ng mukha!

Hinahangaan ko dati si Gina De Venecia dahil sa mga mabubuting bagay na ginagawa niya sa mga kababayan natin. Pero nun mapanood ko yung isang report sa TV tungkol sa pagkakaalis ng kanyang asawa sa posisyon bilang House Speaker, nagpasaring siya doon na.."...madami kaming alam..." Sabay tawa. Naiinis talaga ako. Natuwa nga si Papa nung marinig na sinabi niya iyon. Pero hindi ko mapigilan ang sarili ko na mag-comment. Sabi ko, marami pala silang alam bakit ngayon lang nila sasabihin? Dahil ba sa nangyari sa kanila? Ang ibig bang sabihin nito ay may halong personal na paghihiganti ang ginagawa nila ngayon? Kunyari lang na para sa bayan? Dahil kung talagang gusto nilang paglingkuran ng tapat ang Pilipinas, kung may mga alam na sila, sabihin nila. Hindi por que kinuha yung candy na subo-subo mo saka ka lang magsasalita. Makasarili sila. Personal na away na nga ang mga pinaggagawa nila. Parang mga walang natutuhan sa mag magulang nila. Nakakapanghinayang na ang mga namumuno sa ating gobyerno ay mga makasanlibutan.

Sana huwag masyadong magmadali ang mga Filipino. Sana mas maging maingat at mas matalino ang bawat isa sa paghalal ng mga TAGAPAGLINGKOD sa ating bayan. At sana ang mga (bad words) na mga taong nasa kapangyarihan ay mahiya sa sarili nila. HUwag sana nilang kalimutan na may Diyos. Sana kilabutan silang lahat.